Ertis ózeninde shybyn-shirkeıge qarsy óńdeý jumystary bastaldy
PAVLODAR. KAZINFORM - Bıologııalyq preparat barjalardan sýǵa tógilip, shybyn-shirkeıdiń dernásilderin joıady. Óńdeý Aqqýly aýdanynan bastalyp, aǵyn boıymen Ertis aýdanyna deıin sozylady.
Qansorǵyshtarǵa qarsy ózen ústindegi ýlaý sharalary bıyl jyldaǵydan erterek bastaldy. Sebebi Ertis jaıylmalarynyń 90% -ǵa jýyǵyn sý basqan. Sáıkesinshe, dezınsektsııanyń alǵashqy kezeńi júrgizildi.
- Alǵashqy kezeńde 10 kún boıy preparattar jiberiledi. Keshe 6 núktede jumys júrgizilse, búgin qalǵandarynda dezınsektsııalaý jasaldy. Atalǵan jumystarǵa 10 tonna sýspenzııa paıdalanyldy. Bıologııalyq preparat barjalardan sýǵa tógiledi,- deıdi Pavlodar oblysy jer qoınaýyn paıdalaný, qorshaǵan orta jáne sý resýrstary basqarmasy basshysynyń orynbasary Dııar Qaıyrkenov.
Ózendegi dernásilderdi óńdeýge «Baktıtsıd» bıologııalyq preparaty qoldanylýda. Ǵylymı top ókilderi onyń tıimdi ekenin aıtady. Dezınsektsııa Ertis ózeni jazǵy arnasyna túskenge deıin jalǵasady. Sý jaıylmadan tolyǵymen shyqqannan keıin mamandar óńdeýdiń basqa túrlerine kóshedi.
Eske sala keteıik, Bıyl Pavlodarda shybyn-shirkeıge qarsy 172 myń gektar alqap óńdeledi.
Shybyn-shirkeıdi áýeden ýlaý jumystaryna 10 ushaq jumyldyrylǵan.