Ertis ózeninde motory isten shyqqan qaıyqtan eki adam qutqaryldy

SEMEI. KAZINFORM– Tótenshe jaǵdaılar mınıstrliginiń qyzmetkerleri Ertis ózeninde aǵysqa qarsy júze almaı qalǵan eki adamdy qutqaryp qaldy.

Oqıǵa 13 maýsym kúni Semeı qalasynda tirkelgen.

Qutqarýshylar motory isten shyqqan qaıyqty Ertis ózeninde aǵys boıymen 7 shaqyrym tómen qaraı jyljyǵan jerden tapqan. Qaıyqtyń ishinde 1990 jáne 1987 jyly týǵan erli-zaıyptylar bolǵan.

Mınıstrlik málimetinshe, azamattar medıtsınalyq kómekke muqtaj bolmaǵan. Qutqarýshylar olardy jaǵaǵa aman-esen jetkizip, qaıyqty súırep shyǵardy.

Tótenshe jaǵdaılar mınıstrligi sý aıdyndarynda qaýipsizdik erejelerin saqtaýǵa shaqyrady.

Qozǵaltqyshty aldyn ala tekserý, qutqarý jıletin kııý jáne aýa raıy jaǵdaıyn eskerip shyǵý – adamnyń ómiri men densaýlyǵyn saqtaý úshin mańyzdy sharalar bolyp tabylady.

Aıta keteıik, taýǵa baratyn týrıster TJM-ge onlaın habar bere alady.