Ertis ormanynyń ınspektorlary brakonerlerge qarsy sharalardy kúsheıtip jatyr
PAVLODAR. KAZINFORM - Buǵan Pavlodar oblysynda kúzgi-qysqy ańshylyq maýsymynyń ashylýy sebep bolyp otyr. Aıryqsha qorǵalatyn jalqaraǵaı ormandarynda ań aýlaýǵa tyıym salynǵan.
Ertis ormany rezervatynyń ańshylyqtanýshylary memlekettik ınspektorlarmen, TKjNQ bóliminiń mamandarymen, sondaı-aq tabıǵatty qorǵaý polıtsııasymen birlesip ormandar men janýarlar dúnıesin qorǵaý boıynsha patrýldeý júrgizýde. Memlekettik orman tabıǵı rezervatynyń aýmaǵynda ań aýlaýdyń barlyq túrlerine tyıym salynǵan. Janýarlardy zańsyz aýlap, tabıǵatqa orny tolmas zııan keltirgeni úshin azamattar qylmystyq jáne ákimshilik jaýapkershilikke tartylady.
— Respýblıkalyq jáne jergilikti mańyzy bar erekshe qorǵalatyn tabıǵı aýmaqtardaǵy janýarlardy zańsyz aýlaǵany úshin zalal 3 eselengen koeffıtsıentke kóbeıtiledi. Mysaly, rezervat aýmaǵynda brakonerlik jasap, elik atyp alsańyz memleketke 2 mln 769 myń teńge zalal keltirgen bolyp eseptelesiz, -deıdi Besqaraǵaı fılıalynyń ańshylyqtanýshysy Eraly Isataev.
Eske sala keteıik, Pavlodar oblysynda kúzgi ańshylyq maýsymy ashyldy.
