Ertis ormanynda sırek kezdesetin túıesińir ósimdigi tabyldy
PAVLODAR. KAZINFORM - Ósimdik ǵylymı turǵydan mamandardyń qyzyǵýshylyǵyn týdyryp otyr. Quramynda flavonoıdtar men ózge de bıologııalyq belsendi qosylystar kóp bolady.
«Ertis ormany» tabıǵı rezervatynyń qyzmetkerleri tarandar tuqymdasyna jatatyn ósimdiktiń jańa túri anyqtalǵanyn málim etti.
- Maraldy ormanshylyǵy aýmaǵynda alǵash ret túıesińir ósimdigi (Atraphaxis frutescens (L.) Evers) kózge tústi. Ol - tarandar tuqymdasyna (Polygonaceae) jatatyn kópjyldyq buta. Tabylǵan ósimdik ǵylymı turǵydan qyzyǵýshylyq týdyryp, rezervat florasynyń túrlik quramyna qatysty málimetterdi tolyqtyrady, - dep habarlady rezervattan.
Qazirgi ýaqytta botanıkalyq zertteýler men ósimdik jamylǵysyna monıtorıng júrgizý jumystary jalǵasyp jatyr. Túıesińir elimizdiń shóleıtti, tasty-taqyrlaý jerlerinde, taý bókterleri men qurǵaq dalalyq aımaqtarda kezdesedi. Ásirese, Qazaqstannyń shyǵys, ońtústik-shyǵys jáne ortalyq-soltústik bólikterindegi qýań ekojúıelerde ósedi.
Mamandardyń aıtýynsha, atalǵan ósimdiktiń eń mańyzdy ereksheligi - quramynda flavonoıdtar men ózge de bıologııalyq belsendi qosylystar bar.
Buǵan deıin Ertis ormanynda sırek kezdesetin tarǵaq qusy kózge túskenin jazǵanbyz.
