Ertis ormanynda sırek kezdesetin tarǵaq qusy kózge tústi
PAVLODAR. KAZINFORM - Ormanshylardyń aıtýynsha, atalǵan qusty budan 20-30 jyl buryn kezdestirý qalypty jaǵdaı bolsa, qazir qatary óte sırep ketken.
- Rezervat aýmaǵynan Qazaqstannyń Qyzyl kitabyna engen sırek dala qusy – tarǵaq tabyldy. Ol – dala aımaǵyndaǵy eń sırek qustardyń biri. Onyń tirkelýi rezervat aýmaǵynda tabıǵı ortanyń qolaıly saqtalǵanyn kórsetedi, - dep habarlady «Ertis ormany» memlekettik orman tabıǵı rezervaty respýblıkalyq memlekettik mekemesinen.
Tarǵaqty Besqaraǵaı ormanshylyǵynyń qyzmetkerleri fotosýretke túsirip alǵan.
Tarǵaq – qyzǵysh qustyń bir túri. Kúzde jyly jaqqa ushyp ketedi de, naýryzda qaıta oralady. Uıasyn jerge, shuńqyrǵa salady. Sáýirde jumyrtqalaıdy. Tórt shubar jumyrtqany atalyǵy men analyǵy kezektesip basyp, úsh aptadan keıin balapan shyǵarady. Olar bir aıdan keıin uıasyn tastap kete beredi. Balapandary eresekteri sııaqty jándiktermen, shegirtke, qońyz tárizdi aýyl sharýashylyǵy zııankesterimen qorektenedi.
Buǵan deıin Ertis jaıylmasynda bılep júrgen tyrnalar kózge túsken bolatyn.
