Ertis ormanynda shóp shaýyp júrgen sharýa órt shyǵaryp, qomaqty aıyppul tóledi
PAVLODAR. KAZINFORM - «Ertis ormany» rezervatynyń aýmaǵynda mal azyǵyn daıyndap júrgen fermer orman órtiniń tutanýyna sebepker bolǵan. Kináli azamat 370 myń teńgege jýyq aıyppul tóledi.
Rezervattyń Besqaraǵaı fılıaly Maıqaraǵaı ormanshylyǵy 30-oramynda orman kúzetiniń ınspektorlary men Aqqýly aýdanynyń tótenshe jaǵdaı qyzmetkerleri orman órtiniń týyndaýyna kináli adamdy anyqtady.
«Sharýa tehnıkamen shóp shapqan. Alaıda shóp daıyndaý tehnıkasynda ushqyndy tutyp qalatyn qondyrǵa bolmaǵan. Sóıtip órtke sebepker bolǵan. Kináli adam QR Ákimshilik quqyq buzýshylyq týraly kodeksiniń 367-babyna sáıkes ákimshilik jaýapkershilikke tartylyp, oǵan 100 aılyq eseptik kórsetkish mólsherinde (qysqartylǵan tártippen) aıyppul salyndy. Órt sóndirýshilerdiń jedel áreketiniń arqasynda 0,0025 gektar alqapty sharpyǵan tilsiz jaý jyldam sóndirildi», - dep habarlady rezervattan.
Eske sala keteıik, Ertis ormanyn otap satqan bas dırektor 150 mln teńge zalal ákelgen.
