Ertis ormanynda Qyzyl kitapqa engen ósimdikter gúldep jatyr
PAVLODAR. KAZINFORM — Rezervat ákimshiligi Qazaqstannyń Qyzyl kitabyna engizilgen jáne memleket qorǵaýyndaǵy ósimdikterdi julýǵa bolmaıtynyn eskertip otyr. Antropogendik faktordyń saldarynan ásem gúlderdiń joıylyp ketý qaýpi bar.
Kóktemniń kelýimen «Ertis ormany» rezervatynyń aýmaǵyndaǵy tabıǵat qaıta jandanyp, orman ishi san alýan túske boıala bastady. Dál osy kezeńde erekshe ári sırek kezdesetin ósimdikter gúldeıdi.
— Sırek kezdesetin ósimdikterdiń birqatary Qazaqstannyń Qyzyl kitabyna engizilgen jáne memleket qorǵaýynda. Olardyń qatarynda kóktemgi janargúl, shyǵys sibir qundyzshóbi, kóktemgi ashyq qundyzshóp, taǵy basqalary bar. Sırek ósimdikter tabıǵattyń kórki ǵana emes, olar — ekojúıeniń mańyzdy bóligi, — dep habarlady rezervattan.
Sırek jáne qorǵaýǵa alynǵan ósimdikterdi julýǵa, jınaýǵa, saqtaýǵa jáne tasymaldaýǵa zańmen qatań tyıym salynǵan. Zańsyz áreket jasaǵandarǵa ákimshilik jaýapkershilik qarastyrylǵan.
Buǵan deıin Ertis ormanynda qustardyń 90 túri bar ekenin jazǵanbyz.