Ertis ormanynda fototuzaqqa bir mezgilde birneshe ań túsip qaldy
PAVLODAR. KAZINFORM — «Ertis ormany» rezervatynda bir ǵana fototuzaqqa elik, bulan, qabandar jáne janat tárizdi ıt túsip qaldy. Janýarlar sýat mańynda emin-erkin jaıylyp júrgeni baıqalady.
Rezervaty aýmaǵyna ornatylǵan bir ǵana fototuzaqqa bir mezgilde birneshe ań túri túsip qaldy.
— Bir fototuzaqta tórt túrli janýardyń túsýi sırek jaǵdaı. Elik, bulan, qabandar jáne janat tárizdi ıttiń popýlıatsııasy orman arasynda barynsha taraǵanyn baıqaýǵa bolady. Bul — rezervattaǵy janýarlar áleminiń baılyǵyn aıqyn kórsetetin kórinis. Mundaı kadrlar ǵylymı zertteý úshin de, tabıǵatty qorǵaý jumystary úshin de erekshe mańyzdy, — dep habarlady rezervattan.
Ańshylyqtanýshylar orman alańshyqtaryndaǵy sý kózderin únemi tazartyp otyrady. Ormanshylarydń aıtýynsha, bul sońǵy jyldardaǵy qurǵaqshylyq kezeńinde óte mańyzdy sharýa. Ormanda sý kóp bolsa, rezervat aýmaǵyn mekendeıtin janýarlar úshin orta jaıly bola túsedi. Búginde rezervat aýmaǵynda shamamen 50-den astam jasandy sýat bar.
Eske sala keteıik, «Ertis ormanynda» sileýsinniń tólderi kózge tústi.