Ertis ormanynda emin-erkin jaıylyp júrgen elikter kózge tústi
PAVLODAR. KAZINFORM — Qazirgi ýaqytta rezervat aýmaǵynda 600-ge jýyq elik bar. Tuıaqty janýarlar kóbine ormannyń alańshyqtaryn mekendeıdi.
«Ertis ormany» memlekettik orman tabıǵı rezervatynyń aýmaǵynda elikterdiń edáýir sany mekendeıdi. Orman alańqaılarynda jaıylyp júrgen bir top elik beınejazbaǵa túsip qaldy.
— Elikter — symbatty ári óte saq janýarlar. Orman ekojúıesiniń mańyzdy bóligi jáne bizdiń rezervattyń kórki dese bolady. Búginde olardyń rezervattaǵy jalpy sany 580-nen asyp otyr. Biraq sany únemi ózgerip otyrady, — dep habarlady rezervattan.
Elikter saǵatyna 60 km jyldamdyqpen júgire alady, al sekirgende 6-7 metrge baryp túsýi múmkin. Estý qabileti, ıis sezýi óte jaqsy damyǵan. Ol adamdy, jyrtqyshtardy alystan sezedi.
Ormanshylardyń aıtýynsha, elikter ásirese tańerteń jáne tań araıynda belsendi. Qysta kóbine jem izdep ormannyń shetin jaǵalaıdy.
Buǵan deıin «Ertis ormanynda» jabaıy janýarlarǵa qysqy azyq oryndary daıyndalyp jatqanyn jazǵanbyz.