Ertis ormanynda alǵash ret súıirtumsyq kólbaqa anyqtaldy
PAVLODAR. KAZINFORM — Súıirtumsyq kólbaqa kóbine ylǵaldy shalǵyndarda, sý aıdyndarynyń mańynda, orman shetterinde jáne batpaqty jerlerge jaqyn aýmaqtarda mekendeıdi.
«Ertis ormany» memlekettik orman tabıǵı rezervatynyń aýmaǵynda júrgizilip jatqan bıoalýantúrlilikti zertteý jáne monıtorıng jumystary barysynda súıirtumsyq kólbaqa (Rana arvalis) tirkeldi.
Bul — Qazaqstannyń ormandy jáne ormandy-dala aımaqtarynda kezdesetin qosmekendilerdiń biri. Súıirtumsyq kólbaqasy kóbine ylǵaldy shalǵyndarda, sý aıdyndarynyń mańynda, orman shetterinde jáne batpaqty jerlerge jaqyn aýmaqtarda mekendeıdi.
— Rezervat aýmaǵynda janýarlar dúnıesin turaqty baqylaý barysynda ártúrli omyrtqaly janýarlardyń túrlik quramyn anyqtaý jumystary júrgiziledi. Osyndaı baqylaýlar tabıǵı ekojúıelerdiń jaǵdaıyn baǵalaýǵa jáne bıoalýantúrlilikti tolyq zertteýge múmkindik beredi.
Árbir jańa tirkelgen túr — rezervat tabıǵatynyń qanshalyqty alýan túrli ekenin kórsetetin mańyzdy derek, — dep atap ótti rezervattan.
Eske sala keteıik, Ertis ormanynda sırek kezdesetin túıesińir ósimdigi tabyldy.
