Ertis ormanynan qysta qandaı qustardy kezdestirýge bolady
PAVLODAR. KAZINFORM - Erekshe qorǵalatyn tabıǵı rezervatta qustyń 90 túri bar bolsa, onyń keıbiri orman arasyn qystap qalady.
«Ertis ormany» rezervatynda qys mezgilinde de qustardyń alýan túrin kezdestirýge bolady.
- Jyl saıyn qar túsken ýaqytta fototuzaqtar qoıyp, qustardy baqylaýǵa alamyz. Sońǵy ret kameraǵa ilikkenderi - shubar shymshyq, sur shymshyq, qyzylquıryq, bulbul jáne sarybaýyr. Bular sýyqqa jaqsy beıimdelgen, tipti qar astynan da azyq taba alady, - dep habarlady Kazinform tilshisine rezervattan.
Munda qysqy mezgilde arnaıy ushyp keletin qustar da bar. Máselen, qaraǵaı jańǵaǵyn shaǵatyn myqty tumsyǵy bar úkitumsyq, sırek ári óte jyldam qus shymshyq, ásem úndi shaqshaqaı, sheten aǵashynyń jıdekterimen qorektenetin sheten qaratorǵaı kezdesedi.
Mamandar atalǵan qust túrleri orman ekojúıesinde mańyzdy ról atqaratynyn aıtady. Olar aǵash tuqymdaryn taratyp, jándikter sanyn retteıdi ári tabıǵattyń saýlyǵyn kórsetetin kórsetkish.
Qys – qustar úshin eń aýyr kezeń, sondyqtan ormandardy saqtaý men tabıǵatqa uqypty qaraý asa mańyzdy.
Buǵan deıin «Ertis ormanynda» jabaıy janýarlarǵa qysqy azyq oryndary daıyndalyp jatqanyn jazǵanbyz.