Ertis ormanyna órt sóndirýge arnalǵan 34 jańa tehnıka berildi
PAVLODAR. KAZINFORM - Jańa tehnıkalar 3 tonna sýdy alyp júre alady. Al kabınasy men dóńgelekteri qyzyp ketýden qorǵaıtyn avtomatty sýytý júıelerimen jabdyqtalǵan.
«Ertis ormany» memlekettik orman tabıǵı rezervaty 34 jańa órt sóndirý tehnıkasymen qamtamasyz etildi. Jańa tehnıkalardy QR Ekologııa jáne tabıǵı resýrstar mınıstri Erlan Nysanbaev saltanatty túrde tapsyrdy.
- Bul orman qoryn órtten qorǵaý sharalaryn kúsheıtýge jáne qaýipsizdik deńgeıin arttyrýǵa baǵyttalǵan. Jańa arnaıy tehnıkalar qozǵalys kezinde órt sóndirý múmkindigimen, kabına men dóńgelekterdi qyzyp ketýden qorǵaıtyn avtomatty sýytý júıelerimen jabdyqtalǵan. Sý syıymdylyǵy 3 tonna jáne jer bederi qıyn orman alqaptarynda jumys isteýge beıimdelgen. Jańartylǵan tehnıka der kezinde áreket etýge jáne tabıǵı órtterdiń taralý qaýpin azaıtýǵa múmkindik beredi, - dep atap ótti rezervattan.
Buǵan deıin Ertis ormanynda janyp ketken orman beldeýleri qalpyna keltirilip jatqanyn jazǵanbyz.