«Ertis ormanyn» zańsyz otaý: Laýazymdy tulǵalarǵa qatysty tergeý bastaldy
«Ertis ormany» memlekettik tabıǵı orman rezervatynyń laýazymdy tulǵalary ormandy zańsyz kesýge qatysty bolýy múmkin. QazAqparat bul týraly Polisia.kz-ke silteme jasap habarlaıdy.
Pavlodar oblysynyń Polıtsııa departamenti uıymdasqan qylmysqa qarsy kúres basqarmasynyń qyzmetkerleri «Ertis ormany» erekshe qorǵalatyn aýmaǵynda ormandy zańsyz kesý jáne urlaý faktilerin anyqtaý boıynsha keshendi jedel-izdestirý sharalaryn ótkizgen.
Máselen, 18 qyrkúıekte oblystyq prokýratýranyń úılestirýimen «Ertis ormany» rezervaty boıynsha aýqymdy operatsııa júrgizildi. Polıtseıler «Ertis ormany» RMM-de, Shaldaı jáne Besqaraǵaı ormanshylyǵynda, sondaı-aq birqatar basshylardyń turǵylyqty jeri boıynsha 20-ǵa jýyq sanktsııalanǵan tintý júrgizdi.
«Tintý kezinde qujattamadan basqa (shot-faktýralar, ilespe qujat, eseptiligi júrgizilmeıtin ormandy otaýǵa qatysty jáne ózge de qujattar), atys qarýy, oq-dáriler jáne ózge de zattaı dáleldemeler tárkilendi.
Qazirgi ýaqytta Qylmystyq kodekstiń 188-baby 2-bóligi boıynsha sotqa deıingi tergeý bastaldy. Boljamdy málimetter boıynsha ormandy zańsyz kesýge „Ertis ormany“ RMM-niń laýazymdy tulǵalary qatysty bolýy múmkin», — delingen málimette.
QR Qylmystyq protsessýaldyq kodekstiń 201-baby negizinde ózge aqparat jarııa etilmedi.
