«Ertis ormany» rezervatynda aǵash urlyǵy 97 paıyzǵa azaıǵan
PAVLODAR. KAZINFORM - «Ertis ormany» rezervatynda aǵashtardy zańsyz kesý oqıǵalarynyń kúrt azaıǵany tirkelip otyr. Bıyl jyl basynan orman urlyǵyna qatysty nebári bir fakti anyqtalǵan.
Bul týraly «Ertis ormany» memlekettik orman tabıǵı rezervatynan habarlady.
- Rezervat qyzmetkerleri men tártip saqshylarynyń birlesken jumysynyń nátıjesinde ótken jylmen salystyrǵanda bıyl zańsyz aǵash kesý 97 paıyzǵa azaıdy. Salystyrmaly túrde aıtsaq, 2023 jyldyń 9 aıynda zańsyz aǵash kesýdiń 30 oqıǵasy tirkelip, kólemi 452,5 tekshe metr (keltirilgen shyǵyn kólemi - 9 mln 328,1 myń teńge) zalal keltirilgen. Al jyl basynan «Ertis ormany» boıynsha 2,2 tekshe metr kóleminde zańsyz aǵash kesý jáne orman urlaýdyń bir faktisi tirkeldi,-dep jaýap berdi Kazinform tilshisiniń saýalyna rezervattyń bas dırektorynyń mindetin atqarýshy Qazbek Ámetov.
Aǵash urlyǵy boıynsha qylmystyq jaýapkershilikke tartý faktileri tirkelgen joq.
Eske sala keteıik, «Ertis ormanynda» 2029 jylǵa deıin aǵash kesýge tyıym salyndy.
Ertis ormanynda orman órti jańa júıeniń kómegimen jyldam anyqtaldy.
