«Ertis ormany» basshysy para aldy degen kúdikpen qamaýǵa alyndy

ASTANA. KAZINFORM - Pavlodar oblysy boıynsha Sybaılas jemqorlyqqa qarsy qyzmet prokýratýranyń úılestirýimen «Ertis ormany» memlekettik orman tabıǵı rezervatynyń basshysy tarapynan para alý faktilerin anyqtady.

Ol kásipkerlerge ormandy zańsyz keskeni jáne satqany úshin para alýdyń qylmystyq shemasyn uıymdastyrǵany anyqtaldy.

Aǵymdaǵy jyldyń 26 qańtarynda tergeý sotynyń sanktsııasymen Rezervat basshysy 2 aı merzimge qamaýǵa alyndy.

Sonymen qatar, Rezervattyń bes býhgalterine qatysty sotqa deıingi tergeý júrgizilýde, olar 2021-2023 jyldar aralyǵynda ózderiniń kartochkalyq shottaryna, sondaı-aq mekemeniń jumys istep turǵan jáne burynǵy qyzmetkerleriniń shottaryna jalaqyny esepteý jáne aýdarý arqyly 25 mln teńge somasynda asa iri mólsherde bıýdjet qarajatyn jymqyrǵan.

Keltirilgen materıaldyq zalal ishinara óteldi.

Tergeý jalǵasýda.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.