«Ertis ormany» aýmaǵyna kirýdiń quny qansha
PAVLODAR. KAZINFORM – Qyrkúıek aıynan «Ertis ormany» rezervatynda orman aýmaǵyna kirý úshin aqy alyna bastady. Quny bir táýlikke 1297,5 teńgeden bastalady.
«Ertis ormany» rezervatynyń málimetinshe, tarıfter 2026 jylǵa bekitilgen jáne qazirgi ýaqytta 4325 teńgeni quraıtyn AEK mólsherine baılanysty.
Tólem orman alqabynyń aýmaǵyna kirgeni úshin alynady.
1. Jeńil avtokólikter – 0,3 AEK – táýligine 1297,5 teńge.
2. 16 orynǵa deıingi shaǵyn avtobýstar, júk kólikteri jáne avtotraktorlyq tehnıka – 1 AEK – táýligine 4325 teńge.
3. 32 orynǵa deıingi avtobýstar – 2 AEK – táýligine 8650 teńge.
4. 32 orynnan kóp avtobýstar – 3 AEK – táýligine 12 975 teńge.
– Rezervat ákimshiligi qyzmetter men kirý aqysy úshin túsetin qarajat orman qoryn qorǵaýǵa, órtke qarsy is-sharalarǵa, aýmaqty sanıtarlyq tazalaýǵa jáne týrıstik ınfraqurylymdy damytýǵa baǵyttalatynyn eske salady, – dep habarlady «Ertis ormany» rezervatynan.
Eske sala keteıik, «Ertis ormany» aýmaǵyna kirý aqyly bolatyny týraly tamyz aıynyń ortasynda habarlanǵan edi.
Bıyl kúzde Ertis ormanynda sarǵylt qundyzshóp qaıta gúldep jatyr.
