Ertis ormandarynda jańa qus túrleri anyqtaldy
PAVLODAR. KAZINFORM — Rezervattyń ǵylymı qyzmetkerleri qazirgi ýaqytta qaýyrsyn qanattylardyń jańa túrlerin zertteýmen shuǵyldanady.
«Ertis ormany» rezervatyna jyl qustary oralyp jatyr. Mekeme mamandary kezekti dala jumystary kezinde birneshe qus túrin, atap aıtqanda ala qarǵa, qara kezquıryq jáne ot úırek sııaqty qustardyń kelý sátin anyqtaǵan.
— Jalpy, rezervat aýmaǵynda qustardyń 50 túri mekendeıdi, onyń ishinde 4 túri Qazaqstannyń Qyzyl kitabyna engizilgen. Eń qyzyǵy, ǵylymı zertteýler barysynda buryn bul aımaqta tirkelmegen jańa qus túrleri anyqtaldy. Qazirgi ýaqytta olardy zertteý jumystary júrgizilip jatyr. Bul rezervattyń bıologııalyq ártúrliligi joǵary ekenin jáne qustar úshin mańyzdy meken ekenin taǵy bir márte dáleldeıdi, - dep habarlady mekemeniń ǵylym, aqparat jáne monıtorıng bóliminen.
Eske sala keteıik, «Ertis ormany» rezervatynda aǵash urlyǵy 97 paıyzǵa azaıǵan.
Al Orman sharýashylyǵy jáne janýarlar dúnıesi komıteti «Ertis ormanynda» 2029 jylǵa deıin aǵash kesýge tyıym saldy.