Ertis óńiriniń dıqandaryna 27,6 myń tonna arzandatylǵan dızel otyny bólindi

PAVLODAR. KAZINFORM -Ár lıtri 232 teńge bolatyn arzan janar-jaǵarmaı kóktemgi egis jumystaryn júrgizýge baǵyttalyp otyr. Qazir operatordy irikteý jónindegi konkýrsqa qatysýǵa ótinimder qabyldanyp jatyr.

Авария на ТЭЦ Бишкека: Казахстан выделил Кыргызстану дизельное  топливо
Фото: Kazinform

Pavlodar oblysynyń fermerleri kóktemgi egis jumystaryn oıdaǵydaı júrgizýi úshin arzandatylǵan baǵada 27,6 myń tonna dızel otyny bólingen.

- 2025 jylǵy kóktemgi egis jumystaryn júrgizýge oblystyń aýyl sharýashylyǵy taýaryn óndirýshilerine arzandatylǵan dızel otynyn jetkizý jónindegi operatordy irikteý
konkýrsyna qatysýǵa ótinimder qabyldaý júrgiziledi. Óńirge 27,6 myń tonna arzandatylǵan dızel otyny beriledi. Operatorlyq qyzmettersiz arzandatylǵan dızel otynynyń 1 tonnasynyń quny 276 256 teńgeni nemese lıtrine 232 teńgeni quraıdy,-dep habarlady óńirlik aýyl sharýashylyǵy basqarmasynan.

Eske sala keteıik, Ertis-Baıan óńirinde egin ósirýmen myńnan asa sharýashylyq aınalysady. Olardyń egis alańdary bıyl 1 669,7 myń gektarǵa jetedi degen jospar bar

Meje tolyq oryndalsa, ótken jylǵydan 52,9 myń gektarǵa artyq bolady degen boljam bar. Bul egis alqaptaryn ártaraptandyrý nátıjesinde múmkin bolmaqshy.

Buǵan deıin agrokeshenge bólingen qarajattan fermerler ne sebepti qaǵylyp otyrǵany týraly jazǵanbyz.

Сейчас читают