Ertis kópirindegi kólik keptelisi: Óskemende kópir astyndaǵy jol qurylysy bıyl aıaqtala ma

ÓSKEMEN. KAZINFORM — Óskemen qalasyndaǵy Ertis kópiri astyndaǵy joldy bıyl ashý josparlanyp otyr.

Taıaýda qaladaǵy Permıtın jáne Slavskıı jaǵalaýy kóshelerin jalǵaıtyn joldyń qurylysyn paıdalanýǵa berý ýaqyty qarjylaı qıyndyqtarǵa baılanysty keshigýi múmkin ekeni týraly aqparat tarady. Buǵan qatysty ShQO Jolaýshy kóligi jáne avtomobıl joldary basqarmasy basshysynyń orynbasary Nurbek Turarov jaýap berdi.

— Sońǵy málimetterge sáıkes, qurylys jumystary osy jyly aıaqtalady. Qarjy máselelerine qaramastan, joldyń ýaqytyly aıaqtalýy týraly qala ákimdigi men merdiger kompanııa arasynda kelisim jasaldy, — dedi ol.

Aıta keteıik, osy Ertis kópirinde únemi tańerteń jáne keshke uzyn-sonar kólik keptilisi bolady.

Sebebi halyq kóp turatyn Jibek matalar kombınaty yqshamaýdanyna aparar negizgi jol osy.

Sol keptelisti azaıtý maqsatynda Permıtın kóshesinen Slavskıı jaǵalaýyna qaraı ótetin Ertis kópiri astynda jol qurylysy bastalǵan bolatyn.

Eske salsaq, osyǵan deıin Óskemende merekelik sharanyń sońy jappaı ýlanýǵa ulasqany habarlanǵan.