Ertis kópirindegi kólik keptelisi: Óskemende kópir astyndaǵy jol qashan ashylady

ÓSKEMEN. KAZINFORM – Óskemen qalasyndaǵy Ertis kópiri astyndaǵy joldy bıyl ashý josparlanyp otyr.

Qaladaǵy Ertis kópirinde únemi tańerteń jáne keshke uzyn-sonar kólik keptilisi bolady. Sebebi halyq kóp turatyn Jibek matalar kombınaty yqshamaýdanyna aparar negizgi jol osy. Sol keptelisti azaıtý maqsatynda Permıtın kóshesinen Slavskıı jaǵalaýyna qaraı ótetin Ertis kópiri astynda jol qurylysy bastalǵan bolatyn.

– Búginde negizgi jer qazý jáne drenaj jumystary aıaqtalyp, tómengi asfalt qabaty tóselip jatyr. Jańa jol ýchaskesiniń uzyndyǵy – 758 metr, - dep habarlady qala ákimdiginen. 

Jobanyń jalpy quny 4 mlrd teńgeni quraıdy. Qurylys jumystary kelesi jyldyń sáýir-mamyr aılarynda aıaqtalady. Dese de joldy bıyl ashý josparlanyp otyr. 

Eske salsaq, osyǵan deıin Almatyda kepteliske qarsy jańa jol tańbalary paıda bolǵany habarlanǵan.