«Ertis» komandasy Birinshi lıgaǵa joldama aldy

ASTANA. KAZINFORM – «Ertis» komandasy Ekinshi lıganyń HHІІ týrynda «Qyzyl-Jar» jastar komandasyn 3:0 esebimen jeńdi. Osylaısha pavlodarlyq klýb «Soltústik-Shyǵys» konferentsııasynda top jardy. 

Sport Plus Qazaqstan saıtynyń málimetinshe, elimizdiń bes dúrkin chempıondary bıylǵy maýsymda 18 ret jeńiske jetip, 2 ret teń túsken jáne 2 ret jeńilgen. 

Jalpy jıyntyǵy 56 upaı jınaǵan Nıkolaı Gavrısh jattyqtyratyn komanda qarsylastar qaqpasyna 70 gol soǵyp, úzdik kórsetkish kórsetti. 

«Ertis» fýtbol komandasynyń shabýylshysy Arman Smaılov 19 golmen týrnırdiń úzdik surmergeni atandy. 

Eske sala keteıik, buǵan deıin búgin UEFA Chempıondar lıgasynyń ekinshi týry bastalatynyn jazǵan edik.