«Ertis» Kırıll Alshevskııge qatysty sheshim qabyldady
ASTANA. KAZINFORM - Kırıll Alshevskıı «Ertis» fýtbol klýbynyń bas bapkeri qyzmetinen ketti.
Bul jóninde komandanyń baspasóz qyzmeti málim etti.
- Pavlodarlyq «Ertis» fýtbol klýby Kırıll Alshevskıımen aradaǵy eńbek sharty taraptardyń ózara kelisimi negizinde toqtatylǵanyn resmı túrde habarlaıdy. Mamanmen birge jumys istegen jattyqtyrýshylar quramy da komandadan ketti. Klýb basshylyǵy Kırıll Petrovıch qol astyndaǵy jattyqtyrýshylar quramyna atqarǵan eńbeketeri úshin alǵys aıtyp, aldaǵy mansabtaryna sáttilik tileıdi, - dep jazylǵan habarlamada.
«Ertis» fýtbol klýbynyń bas bapkeri mindetin atqarýshy bolyp ýaqytsha Valerıı Belgibaev taǵaıyndaldy.
Aıta ketsek, belarýs mamany bul qyzmetke qańtar aıynda keldi. Oǵan deıin tájirıbeli bapker ár jyldary «Rýh», «Lıepaıa», «BATE», «RÝOR», «Dınamo» Mınsk sııaqty klýbtarda, sondaı-aq Belarýs jastar quramalarynyń qurylymdarynda jumys istedi.
Alshevskııdiń basshylyǵymen borısovtik «BATE» ulttyq arenada chempıonattyń kúmis júldegeri jáne Belarýs Kýbogynyń ıegeri retinde mańyzdy nátıjelerge qol jetkizip, Belarýs fýtbolynyń flagmany mártebesin rastady.
Mamannyń sońǵy jumys orny máskeýlik «Veles» boldy.
Aıta ketsek, Nurbol Jumasqalıev «Tobyldyń» bas bapkeri qyzmetinen ketti.
