«Ertis» fýtbol klýbyna jańa prezıdent taǵaıyndaldy
PAVLODAR. KAZINFORM — «Ertis» fýtbol klýby jańa prezıdentin resmı túrde tanystyrdy. Bul qyzmetke Qazaqstan fýtbolynyń ańyz oıynshysy, tanymal menedjer Murat Tileshev taǵaıyndaldy.
Murat Tileshov óz sporttyq mansabynda elimizdiń toǵyz klýbynda óner kórsetip, Qazaqstan chempıony atanǵan, sondaı-aq Premer-lıganyń birneshe dúrkin úzdik surmergeni boldy.
Onyń erekshe kezeńi pavlodarlyq «Ertispen» baılanysty. Ol klýb sapynda tórt maýsym oınap, alǵashqy jyly-aq chempıon atanyp, týrnırdiń úzdik surmergeni boldy. Jalpy, «Ertis» sapynda 143 match ótkizip, 56 gol soqqan.
Fýtbolshy mansabyn aıaqtaǵannan keıin Qazaqstan fýtbol federatsııasynda eńbek etti. «Shahter», «Astana», «Turan» jáne «Oqjetpes» klýbtarynda basshylyq qyzmetter atqardy.
Pavlodarlyq klýb onyń jınaqtaǵan tájirıbesi «Ertistiń» damýyna jáne komanda áleýetin arttyrýǵa mańyzdy úles qosady dep senedi.
Buǵan deıin «Ertis» fýtbol klýbyna jańa dırektor taǵaıyndaldy.
