«Ertis» fýtbol klýbyna jańa dırektor taǵaıyndaldy
PAVLODAR. KAZINFORM — Klýb tizginin qolǵa alǵan jańa basshy Dáýir Erǵabylovtyń jasy 35-te. Buǵan deıin Pavlodar oblysynyń sport salasynda laýazymdy qyzmetterdi atqarǵan.
Dáýir Erǵabylov pavlodarlyq «Ertis» fýtbol klýbynyń dırektory qyzmetine taǵaıyndaldy.
Bul týraly atalǵan fýtbol klýbynan habarlady.
— Dáýir Qýatuly óńirdiń sport salasynda eńbek etken, basqarýshylyq tájirıbesi qalyptasqan maman. Ár jyldary «Astana» muz saraıy dırektorynyń orynbasary, júzýden olımpıadalyq rezervtiń mamandandyrylǵan balalar-jasóspirimder sport mektebiniń jetekshisi, Pavlodar qalasynyń dene shynyqtyrý jáne sport bóliminiń basshysy, Pavlodar oblysynyń dene shynyqtyrý jáne sportty damytý basqarmasynyń basshysy laýazymdaryn atqardy, — dep málimdedi «Ertis» fýtbol klýbynan.
Fýtbol klýbynyń aqparynsha jańa basshy búgin oıynshylar men jattyqtyrýshylar shtabyna jáne fýtbol klýby ujymyna tanystyryldy.
Eske sala keteıik, «Atyraý» fýtbol klýbynyń jańa ıesi belgili boldy.
