«Ertis» fýtbol klýbyna jańa bas bapker taǵaıyndaldy
ASTANA. KAZINFORM – Pavlodarlyq «Ertis» fýtbol komandasyn endi Rınat Alıýetov jattyqtyrady.
35 jastaǵy maman Qazaqstan Premer-lıgasynda «Jetisý», «Jeńis» jáne «Turan» klýbtaryn jattyqtyrǵan.
2023 jyly Birinshi lıgada «Elimaıdyń» bas bapkeri Samat Smaqovtyń kómekshisi boldy. Sol jyly semeılik komanda top jaryp, joǵarǵy dıvızıonǵa joldama aldy.
Sonymen qatar Óskemendegi «Altaı» fýtbol ortalyǵynda, «Jetisý» jastar quramasynda jáne 16 jasqa deıingi Qazaqstan jasóspirimder quramasyn jattyqtyryp, jas fýtbolshylarmen jumys istedi.
Ol buǵan deıin 2024 jyldyń jeltoqsan aıynda «Kaspıı» fýtbol komandasynyń bas bapkeri bolyp taǵaıyndalǵan. Biraq 2025 jyldyń qańtar aıynda aqtaýlyq klýbpen resmı bir oıyn ótkizbesten qosh aıtysty.
Eske sala keteıik, budan buryn fýtboldan Birinshi lıganyń ІH týr oıyndary bastalatynyn habarlaǵan edik.