Ertis boıynda tigilgen alyp kımeshek halyqaralyq rekordtar kitabyna endi
PAVLODAR. KAZINFORM — Ertis boıynyń analary qazaq áıelderiniń kıeli bas kıimi — kımeshekke arnalǵan 4 metrlik alyp ınstallıatsııa jasady.
Pavlodardyń Ortalyq jaǵalaýynda otandyq feshn-ındýstrııadaǵy mega rekord tirkeldi. Dástúrli etnomádenıettegi qazaq áıelderiniń kıimi — «Alyp kımeshek» tanystyryldy.
— Qazaq halqynyń dástúrli mádenıetindegi bul bas kıimdi tek turmystaǵy áıelder kıgen. Bul onyń otbasyndaǵy jáne qoǵamdaǵy erekshe mártebesiniń kórsetkishi boldy. Joba avtory — belgili dızaıner-sheber Gýlıaım Akýmbaeva, ol jergilikti folklordyń dástúrlerine negiz boldy. Sharany qalalyq ákimdiktiń qoldaýymen «Qazaq analary — dástúrge jol» RQB uıymdastyryp otyr, - dep habarlady Pavlodar qalalyq ákimdiginen.
Alyp kımeshekti Global BOOK of RECORDS/GbR ókilderi resmı túrde bas kıimdi tirkep, Global Book of RECORDS/GbR jańa halyqaralyq rekordtar kitabyna engizdi.
Іs-sharaǵa aq kımeshek kıgen 200-ge jýyq ana qatysyp, ulttyq bas kıimdi dáriptedi.
Mega bas kıimniń bıiktigi 3 metr 80 sm, alǵy jaǵy 2 metr 35 sm, kúmis jáne metall tıyndarmen áshekeılengen, injý men basqa da asyl tastardy qosa alǵanda 2025 dana monshaq qoldanylǵan.
