Ertis-Baıan óńiriniń polıtseıleri joǵalǵan 24 adamdy izdep tapty
PAVLODAR. KAZINFORM - Pavlodarlyq polıtseıler jyl basynan iz-tússiz joǵalǵan 24 adamdy izdep tapty. Olardyń barlyǵy úılerine qaıtaryldy.
Óńirlik polıtsııa departamenti krımınaldyq polıtsııa izdeý bóliminiń bastyǵy Qýandyq Qasymovtyń aıtýynsha, joǵalǵan adamnyń týystary aryzdy jedel bergen jaǵdaıda ony tabý da meılinshe jeńildeı túsedi. Jyl basynan beri Pavlodar oblysynyń polıtsııa qyzmetkerleri joǵalǵan 24 adamnyń ornalasqan jerin anyqtap, úıine qaıtarǵan.
Máselen, bıylǵy 24 shilde kúni polıtsııaǵa ulynyń joǵalyp ketkeni týraly aryzben anasy júgingen. Ol eki kún buryn 48 jastaǵy uly úıden ketip qalyp, áli oralmaǵanyn túsindirdi. Óz betimen izdeý nátıje bermegen soń anasy tártip saqshylarynan kómek suraǵan. Joǵalǵan adamdy izdeýge polıtsııanyń jeke quramy men ózge de kúshter, eriktiler tartyldy.
- Іzdestirý is-sharalary barysynda 31 shilde kúni polıtseıler Reseı Federatsııasynyń Barnaýl qalasynda habar-osharsyz ketken azamatty tapty. Belgili bolǵandaı, týystarymen janjaldan keıin er adam úıden ketip qalǵan. Sóıtip 10 kún boıy baılanysqa shyqpaǵan, - deıdi Qýandyq Qasymov.
Eske sala keteıik, Pavlodarlyq polıtseıler jurtty aldap kelgen páter alaıaǵyn qolǵa túsirdi.
