Ertis-Baıan óńirindegi ormandarda 3 mln kóshet otyrǵyzylady
PAVLODAR. KAZINFORM — Pavlodar oblysynda bıyl kúzde memlekettik orman qory aýmaǵyna shamamen 3 mln kóshet otyrǵyzylady. Orman daqyldaryn otyrǵyzý jumystary 500 gektardan astam aýmaqty qamtıdy.
Kúzgi kezeńniń bastalýymen óńirde orman qoryn molaıtý jumystary qolǵa alynyp jatyr. Bul maqsatta qajetti kóshetter aldyn ala daıyndalǵan.
— Josparǵa sáıkes, kúzgi maýsymda 500 gektardan astam jerge shamamen 3 mln dana kóshet otyrǵyzý kózdelgen. Jumystar 2021–2027 jyldarǵa arnalǵan ormandardy molyqtyrý jónindegi keshendi jospar aıasynda júrgizilip jatyr. Byltyrlary Pavlodar oblysynda 2,9 myń gektar aýmaqqa 16,4 mln dana kóshet otyrǵyzylǵan, — dep habarlady óńirlik jer qoınaýyn paıdalaný, qorshaǵan orta jáne sý resýrstary basqarmasynan.
Mamandardyń aıtýynsha, ormandy qalpyna keltirý jumystary óńirdegi orman qorynyń kólemin ulǵaıtyp qana qoımaı, tabıǵı resýrstardy saqtaýǵa jáne ekologııalyq turaqtylyqty qamtamasyz etýge múmkindik beredi.
Eske sala keteıik, Ertis ormanynda sarǵylt qundyzshóp qaıta gúldep jatyr.
