Ertis-Baıan óńirinde jol-kólik apatynan 13 adam qaza tapqan

PAVLODAR. KAZINFORM - Jyl basynan Pavlodar oblysynyń aýmaǵynda 234 jol-kólik oqıǵasy tirkelgen. Saldarynan 13 adam mert bolsa, 323 adam jaraqat alǵan.

Pavlodar oblysynyń tas joldarynda qaıǵyly jaǵdaımen aıaqtalǵan kólik apattary azaımaı tur. 

- Jyl basynan beri Ertis-Baıan óńirinde 234 jol-kólik oqıǵasy tirkelip, saldarynan 13 adam ajal qushty. Taǵy 323 adam jaraqat aldy. Polıtsııa belgilengen qozǵalys jyldamdyǵynan asyp kólik júrgizgen 25 763 quqyq buzýshynyń jolyn kesti,-dep habarlady oblystyq polıtsııa departamentiniń baspasóz qyzmetinen.

Tártip saqshylary jol júrý erejeleri men jyldamdyq rejımin buzý jol qozǵalysynyń barlyq qatysýshylary úshin qaıǵyly saldarǵa ákelýi múmkin ekenin eskertedi.

- Júrgizýshiler belgilengen jyldamdyq sheginen aspaı, jaıaý júrginshilerge muqııat bolýy kerek. Jaıaý júrginshiler ótkelderi men aıaldamalardyń janynda jyldamdyqty tómendetińiz. Qyzyl sham janyp turǵan baǵdarshamdarda toqtap, qozǵalys ruqsatyn kútińiz. Kólik júrgizý kezinde telefondy paıdalanbaı, ózge kólikter men jaıaý júrginshilerdi qurmetteńiz, qashyqtyqty saqtańyz. Osyndaı qarapaıym erejeler sizdiń de, ózgeniń de ómirin saqtap qalatynyn umytpaıyq. Jol erejelerin bilmeý jaýapkershilikten bosatpaıdy, - deıdi óńirlik polıtsııa departamentiniń mamandary.

Eske sala keteıik, Pavlodarda jeńil kólik aýdarylyp, jolaýshy kóz jumdy.