Ertis-Baıan óńirinde orman órtteri 25 %-ǵa kóbeıgen
PAVLODAR. KAZINFORM - Órt qaýipti kezeń bastalǵaly beri óńirde 115 orman órti tirkelgen. Bul ótken jylmen salystyrǵanda 23 oqıǵaǵa kóp.
Tilsiz jaýdan tabıǵı baılyqqa keltirilgen shyǵyn kólemi shamamen 6 mln teńge.
Óńirlik tótenshe jaǵdaılar departamenti bastyǵynyń orynbasary Qaırat Shaımardenovtiń dereginshe, qabyldanyp jatqan sharalarǵa qaramastan, oblysta tabıǵı órtterdiń sany artyp otyr. Sonyń ishinde jyl basynan memlekettik orman qory aýmaǵynda 115 orman órti tirkelgen. Al 2025 jyldyń uqsas kezeńinde 92 órt bolǵan. ıAǵnı jaǵymsyz kórsetkish 25 %-ǵa ósip otyr.
Budan bólek, mamandar úsh dala órtin jáne dala shóbiniń janýy boıynsha 63 shaǵyn órtti tirkegen.
- Órt sanynyń ósýine negizgi sebep - jaýyn-shashyn tapshylyǵymen qatar júrgen ystyq aýa raıy. Orman órtteriniń tutanýyna 92 jaǵdaıda naızaǵaı sebep bolǵan. 18 órt turǵyndardyń otty abaısyz paıdalanýynan, úsheýi órt qaýipsizdigi talaptaryn buzý saldarynan, taǵy ekeýi aýyl sharýashylyǵy tehnıkasynan shyqqan ushqynnan paıda bolǵan, - dep habarlady departament ókili.
Eske sala keteıik, Aqmola oblysynda bir táýlikte 98 gektardan astam aýmaq órtendi.
