Ertis-Baıan óńirinde kıik sany 5 ese kóbeıgen

PAVLODAR. KAZINFORM -  Qazirgi kúni Pavlodar oblysynyń aýmaǵyn mekendeıtin aqbókenderdiń sany shamamen 20-25 myńdaı bar. Túz taǵysy kóbine Maı, Baıanaýyl aýdandarynyń jazyǵyn tóńirekteıdi.

Oblystyq orman sharýashylyǵy jáne janýarlar dúnıesi aýmaqtyq ınspektsııasynyń basshysy Rýslan Tólepbaevtyń aıtýynsha, sońǵy jyldary óńirdegi aqbókenderdiń sany aıtarlyqtaı artqan.

«2020 jylmen salystyrǵanda qazirgi kúni oblystaǵy kıik sany 5 esege jýyq kóbeıgen. Shamamen 20-25 myńdaı dala janýaryn sanadyq. Kıikterdi qorǵaý maqsatynda 15 sáýir - 15 mamyr aralyǵynda «Aqbóken» naýqany ótkizilip jatyr. Ol tabıǵat qorǵaý zańnamalaryn buzýshylardy jáne zańsyz ańshylyqpen aınalysýshylardy anyqtaýǵa baǵyttalǵan», - deıdi bas ınspektor.

Eske sala keteıik bıylǵy aqpan aıynan elimizde kıikterdi atýǵa qaıtadan tyıym salynǵan.

Qyzyl kitapqa enetin janýardyń tekesin atqandar 1,8 mln teńge, urǵashysyn óltirgender 1,3 mln teńge aıyppul tóleıdi.