Ertis-Baıan óńirinde baspana qurylysynyń qarqyny 17%-ǵa ósken

PAVLODAR. KAZINFORM — Bıyl óńirde nesıelik turǵyn úı jelisi boıynsha 8 úı salynýy kerek. Onyń jartysynan kóbi daıyn tur. Oblystyq ekonomıka jáne bıýdjettik josparlaý basqarmasynyń basshysy Irına Nazarchýktyń aıtýynsha, óńirdiń qurylys salasyndaǵy damý qarqyny 17%-ǵa jetti. 

— Bıyl nesıelik turǵyn úı jelisi boıynsha 8 úı salynýy kerek edi, olardyń deni tapsyryldy. ⁠Pavlodar qalasynda jalpy aýdany 35 myń sharshy metrden asatyn 396 páterlik 4 úı salyndy. Ekibastuzda 14 myń sharshy metr bolatyn 180 páterlik 3 úı paıdalanýǵa berildi. Qazirgi ýaqytta atalǵan úılerdi «Otbasy bank» arqyly rásimdeý jáne satý protsedýralary qolǵa alynǵan. Aqsý qalasyna keletin bolsaq, onda 81 páterlik úıdiń qurylysy júrip jatyr, — deıdi ol.

Bıýdjet esebinen áleýmettik osal toptarǵa beriletin 721 jalǵa beriletin turǵyn úı satyp alý josparlanǵan. Mundaı baspanalar qalalyq jerlerde ǵana emes, aýyldyq aımaqtardan da qarastyrylady.

Eske sala keteıik, bıyl 105 gıdrotehnıkalyq qurylysqa tekserý júrgiziledi.