Ertis-Baıan óńirinde bankrot bolǵan azamattardyń sany 500-ge jetti

PAVLODAR. KAZINFORM -Olardyń jalpy somasy 700 mln teńge boryshy joıyldy. «Bankrot» dep tanylǵan azamattar úsh jyl boıy memlekettik kirister departamentiniń baqylaýynda bolady.

Óńirlik memlekettik kirister departamentine moınynda 15 myń teńge qaryzy bar adam da ózin bankrot dep taný týraly ótinish bildirgen. Al eń joǵary soma 20 mln teńgeni quraıdy. Bankrottyq týraly zań qabyldanǵaly beri oblysta osy 500 jeke tulǵa bankrot dep tanylǵan.

«Zańnyń qabyldanǵan ýaqytynan bastap búgingi kúnge deıin 3800 adam ótinish tapsyrdy. 500 ótinish boıynsha oń sheshim shyǵarylyp, jalpy somasy 700 mln teńgege qaryzdary alyp tastaldy. 280 adamnyń ótinishi qaralýda. 2800 ótinish keri qaıtaryldy»,-deıdi Óńirlik memlekettik kirister departamentiniń bas mamany Mırgúl Majımova.

Eske sala keteıik, Qazaqstan halyqtyń 85%-ynda nesıe bar https://kaz.inform.kz/news/karizsiz-kogam-haliktin-85-inda-nesie-bar-d98a05/