Ertis-Baıan óńirinde 200 shaqyrymnan astam temirjol jańǵyrtylady

PAVLODAR. KAZINFORM - Pavlodar magıstraldik jeli bólimshesiniń temirjolshylary birqatar temirjol ýchaskesin jóndeýden ótkizýdi josparlap otyr. 

Bul týraly «Qazaqstan temir joly» ulttyq kompanııasynan habarlady. 

— Pavlodar óńirinde Esenshilik-Edige, Qyrqynshy-Sary-Oba, Aqsý-1 — Aqsý-2, Spýtnık — Bastaý aralyqtarynda 59,3 km joldy kúrdeli jóndeýden ótkiziledi. Sondaı-aq Ekibastuz — Severnyı-1, Ekibastuz — Severnyı-2 stansalary boıynsha 5,26 km joldy ortasha jóndeý, SMD-80 mashınasyn qoldanyp, OP-116-Shiderti aralyǵyndaǵy jolǵa 15 myńnan astam temirbeton shpaldaryn tóseý, 10,2 km joldaǵy relsti tirekti úzdiksiz aýystyrý, baǵyttamalyq burmalardyń 70 jıyntyǵyn úzdiksiz aýystyrý josparlanǵan, - dep málimdedi kompanııadan.

Aýyr tıptegi mashınalardy (RM, DM, DGS, PBR, Unimat, DESEC) paıdalaný 150 km-den astam temirjol tóseminiń kúıin jaqsartady. Pavlodarlyq temirjolshylar lastanǵan ballasty tereń kesýdi, joldy rıhtaýdy, joldy jáne baǵyttamalyq burmalardy túzetý men urǵylaýdy júrgizedi. 

Jalpy 2025 jyly Qazaqstanda barlyǵy 1 480 shaqyrym temirjol jóndeledi. Ótken jyly 1 407 shaqyrym jańǵyrtylyp, onyń 570 shaqyrymy kúrdeli jóndeýmen qamtylǵan.

Eske sala keteıik, Pavlodar men Almaty arasyna jańa vagondar qatynaı bastady.