«Ertistiń» jankúıeri alańǵa júgirip shyqqany úshin aıyppul tóleıdi
ASTANA. QazAqparat -Qazaqstan Premer-Lıgasynyń birinshi týry aıasynda «Ertis» pen «Atyraý» Pavlodardaǵy Ortalyq stadıonda kezdesti. Ekinshi taımnyń sońynda jasyl alańǵa jankúıer qyz júgirip shyǵyp, oıyn ýaqytsha toqtatyldy, dep habarlaıdy pavlodarnews.kz.
Atalmysh oqıǵa kezdesýdiń 87-mınýtynda bolǵan. Qonaqtardyń shabýyly kezinde pavlodarlyq boıjetken «Ertistiń» qaqpasynan bastap «Atyraýdyń» qaqpasyna deıin júgirip ótti. Tártip saqshylary sońynan júgirgenimen, jete almady. Alańnyń arǵy betinde turǵan polıtsııa qyzmetkeri ony ustap aldy. 25 jastaǵy qyz týǵan komandasy úshin qatty qýanǵanyn jáne sol úshin osyndaı qylyqqa barǵanyn aıtty.
«Osy fakti boıynsha QR ÁQBK 434-baby (usaq buzaqylyq) boıynsha ákimshilik óndiris qozǵaldy jáne sottyń qaýlysymen ol 5 AEK mólsherinde aıyppul túrinde jaýapkershilikke tartyldy», - dedi oblystyq ІІD baspasóz qyzmeti.
Polıtsııa oblys turǵyndary men qonaqtaryn fýtbol matchyn ótkizý kezinde erejelerdi múltiksiz saqtaý kerektigi týraly eskertedi. Aıta keteıik, Qazaqstannyń kásibı fýtbol lıgasy jankúıeriniń qylyǵy úshin «Ertis» klýbyna aıyppul salýy múmkin.
Foto áleýmettik jelidegi FK ATYRAÝ/FC ATYRAU paraqshasynan alyndy
