Ertistiń sol jaǵalaýyndaǵy alqaptar janyp jatyr
PAVLODAR. QazAqparat - Ertis ózeni alqabyndaǵy aıyryqsha qorǵaýǵa alynǵan tabıǵı aımaqta bolǵan órtti kýágerler sýretke túsirip aldy, dep habarlaıdy, «QazAqparat» tilshisi.
«Ózen alqaby taǵy da órtenip jatyr... Qatty janyp jatyr», - dep jazady kýágerler áleýmettik jelidegi sýrettiń astyna.
Olardyń aıtýynsha órt Pavlodar mańyndaǵy Ertistke qarsy ornalasqan ormanǵa shyǵyp ketken. Órttiń jalyny men qoıý qara tútin anyq kórinip tur.
«Hımqalashyqqa (oblys ortalyǵynyń soltústik-batysyndaǵy shaǵyn aýdan- avt.) aspannan kúl jaýyp jatyr. Kúldiń ol jerge qalaı jetip otyrǵanyn tań qalamyn. Aıtpaqshy, orman emes ózen alqaby janyp jatyr. Órt temirjolǵa deıin jetip qaldy», - dep jazady áleýmettik jeli qoldanýshylary.
