Ertiske sý jibergennen Pavlodar oblysynda sý tasqyny qaýpi týyndamaıdy
PAVLODAR. QazAqparat - Ertis basseındik ınspektsııasynyń málimetteri boıynsha, tabıǵatty qorǵaý maqsatynda Ertis ózenine sý jiberý Pavlodar oblysyndaǵy eldi mekenderge tasqyny qaýpin tóndirmeıdi, dep habarlaıdy QazAqparat tilshisi.
«Byltyr 7,3 tekshe kılometr sý jiberilse, bıyl jiberiletin sýdyń mólsheri shamamen 5,5 tekshe kılometrden aspaıdy. Jalpy, búgingi tańda Pavlodar oblysy úshin eshqandaı qaýip tónip turǵan joq», - deıdi «Ertis basseındik ınspektsııasy» RMK basshysy Qazymbek Baımaǵambetov Pavlodar oblysy ákimdiginde ótken otyrysta.
Sý jiberý jumystary aldaǵy 3-4 aptada bastalady.
Q. Baımaǵambetovtiń aıtýynsha, Buqtyrma sý qoımasyndaǵy sý kólemi 39,3 tekshe kılometrge jetedi, bul onyń jobalyq kóleminiń 80%-in quraıdy.
Tótenshe jaǵdaılar departamentiniń ókilderi de óńirde sý tasqynynyń qaýpi joq ekenin rastap otyr.
Olardyń málimetinshe, Pavlodar oblysyndaǵy qardyń qalyńdyǵy aptasyna orta eseppen úsh-bes santımetrge qysqarady, eger aýa raıynan tosynsyı bolmasa, oblystaǵy qar úsh aptanyń ishinde erip bitýi tıis.
Pavlodar oblysynda jaǵdaı tolyq baqylaýda bolǵandyqtan, óńir basshysynyń tapsyrmasymen pavlodarlyq qutqarýshylar Shyǵys Qazaqstanǵa kómekken attanǵan.
Eske sala keteıik, 23 naýryz kúni Shyǵys Qazaqstandaǵy sý basqan aýmaqtardy tazartý úshin Pavlodar oblysynan jeke quramnyń 9 qyzmetkeri jáne 2 arnaıy tehnıka kómekke jiberilgen bolatyn.
Foto: fotokonkurs.ru
