Ertiske shomylam dep eldi ábigerge salǵan 30 jastaǵy jigit qutqaryldy
PAVLODAR. QazAqparat – Pavlodarda shomylam dep Ertis ózenine qoıyp ketken er adam qutqaryldy, dep habarlaıdy QazAqparat.
Oblystyq tótenshe jaǵdaılar departamentiniń málimetinshe, 17:50-de kezekshi bólimine shuǵyl habar túsken.
«Kýágerler qutqarý qyzmetine habarlasyp, «Qazdar qonysy» tabıǵı eskertkishiniń janynda er adamnyń kópirden sekirip ketkenin aıtqan. Tez arada oqıǵa ornyna jetken qutqarýshylar 30 jastaǵy jigittiń mas ekenin anyqtady», - dep málim etti oblystyq TJD baspasóz qyzmeti.
Keıinnen jigittiń kópirden sekirmegeni, muz ústinde serýendep júrip, shomylý úshin ózenniń jyly aǵysyna ádeıi súńgigeni belgili boldy.
Tórt qutqarýshy sýdaǵy jigitti jaǵaǵa shyǵaryp, jedel járdem brıgadasyna tapsyrdy. Dárigerlerdiń aıtýynsha, er adamnyń jaǵdaıy birqalypty.
