Ertiske ShQO-daǵy eki GES-ten jiberiletin kólem artqandyqtan sý basýy múmkin - TJD
ASTANA. QazaAqparat - Ertis ózenindegi sý deńgeıiniń kóterilýine baılanysty Shyǵys Qazaqstan oblysynyń keı jerlerinde basýy múmkin, dep habarlaıdy ShQO TJD resmı saıty.
Qazaqstan Respýblıkasy Aýyl sharýashylyǵy mınıstrligi Sý resýrstary komıtetiniń Sý resýrstaryn paıdalaný retteý jáne qorǵaý jónindegi Ertis basseındik ınspektsııasynyń habarlaýynsha, Buqtyrma sý qoımasyna keletin sýdyń artýyna baılanysty 19-21 maýsym aralyǵynda Buqtyrma jáne Óskemen GES-teri sý jiberý kólemin kóbeıtedi.
Osyǵan baılanysty Shyǵys Qazaqstan oblysyndaǵy Ertis ózeninde sýdyń arnasynan shyǵyp ketýi jáne mańaıdy sý basýy múmkin, dep delingen TJD habarlamasynda.
