Ertiske batyp bara jatqan áıel qutqaryldy – Óskemen
ÓSKEMEN. QazAqparat – Óskemen qalasynda Ertis ózenine batyp bara jatqan áıel qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, «Samal» saıabaǵynyń mańynda áıeldiń sýǵa batyp bara jatqanyn baıqap qalǵan kýágerler kómekke shaqyrǵan. Sol jerge qutqarýshylar birden qaıyqpen jetti. Polıtsııa qyzmetkerlerimen birge áıeldi jaǵaǵa shyǵaryp, jedel járdem dárigerlerine tapsyrdy.
«Belgili bolǵandaı, 1960 jyly týǵan qala turǵyny ózennen sý alyp jatqanda taıyp ketken. Ózenge qulap, 100 metrdeı aqqan ol jaǵaǵa deıin júzip jetkenimen sýdan shyǵa almaǵan. Kýágerler ony ary qaraı aǵyp ketpes úshin qutqarýshylar kelgenshe ustap turdy», - dep habarlady vedomstvo ókilderi.
