«Ertis» portýgal fýtbolshysyn satyp almaq
ASTANA. QazAqparat - Bolgarııanyń TsSKA komandasynyń portýgalııalyq jartylaı qorǵaýshysy Rýben Pınto «Ertis» sapyn tolyqtyrýy múmkin, dep habarlaıdy «SPORTINFORM» SAA.
26 jastaǵy fýtbolshy pavlodarlyqtardyń bas bapkeri Dımıtar Dımıtrov óz komandasynda kórgisi keletin oıynshylardyń biri. Ol sońǵy maýsymdy Bolgarııa joǵary lıgasynda ótkizdi. Oǵan deıin óz elinde «Belenensesh», «Pasýsh Ferreırý» klýbtarynda, sondaı-aq «Benfıkanyń» ekinshi komandasynda óner kórsetken. Bir aıta keterligi, Rýben Pınto Portýgalııanyń barlyq jastar jáne jasóspirimder quramalarynda oınaǵan. Ol jýyq kúnderi «Ertis» sapyn tolyqtyrady degen boljam bar.
Buryn «Ertis» basqa bir portýgalııalyq fýtbolshy - Ýgo Sekýdi alǵany habarlanǵan bolatyn. Budan tys, pavlodarlyqtardyń qataryna qaqpashy Djýrahon Babahanov, qorǵaýshy Rafkat Asylan jáne havbek Piráli Álıevter de kelip qosylǵan.
Eske sala keteıik, «Ertis» sońǵy týrda Qostanaıdyń «Tobylymen» teń nátıjemen tarqasty.
Al oǵan deıin Lıtvanyń «Trakaıý» komandasyna óz alańynda ese jiberip, Eýropa lıgasynan shyǵyp qalǵan bolatyn.
