Ertis ózeniniń ústinen muz ótkelderi ashyldy
ASTANA. QazAqparat - Jyl saıyn qysqy kezeńde Ertis ózeninde muz ótkelderi jáne jaıaý ótpe joldar salynady, dep habarlaıdy TJK-nyń saıty.
Ózen ústinen ótkelderdiń ashylýy aýyl turǵyndary úshin úlken oqıǵa, óıtkeni aýyldar arasyndaǵy jol qysqarady, daıyndalǵan pishen jáne otyn tasymaldaý jeńildeıdi.
Ústimizdegi jyly resmı túrde Aqtoǵaı, Ertis, Lebıajı jáne Maı aýdandarynda tórt muz joly aýdan ákimderiniń ókimderine sáıkes ashyldy.
Ertis aýylynda muz ótkeli paromdyq ótkeldiń ornynda ornalasqan, muzdyń qalyńdyǵy 49-55 sm, Aqtoǵaı aýylynda jaǵajaı aýdanynda ornalasqan muzdyń qalyńdyǵy 54 sm. Oblystyń basqa aýdandarynda muz ótkelderin resmı ashýǵa ázirshe ruqsat joq.
2017 jyly qańtarda Jelezınka aýdanynyń úsh aýyldyq okrýginde (Jelezınka, Bashmachınsk jáne Prıırtyshsk) ashyq muzdy ótkelder ashý josparlanǵan.
Qazirgi ýaqytta aýa temperatýrasynyń ózgerýinen barlyq ótkelder negizinen jaıaýlarǵa jáne shanalarǵa arnalǵan, al avtokólikterdiń salmaǵy 2,5 tonnadan aspaýy kerek.
Ótken jyldaǵydaı muz joldary men ótkelderin ustaý úshin pishen tasymalyn uıymdastyratyn sharýa qojalyqtarynyń basshylary jaýapty bolady.
Jergilikti basylymdar arqyly qórsetilgen ótkelder men ótpe joldardyń oryndary týraly, olardyń jumys isteý kestesi, jaýapty jeke jáne zańdy tulǵalar kórsetilgen aqparat jetkizildi.
Biraq reıdter barysynda qutqarý bólimsheleri Aqtoǵaı aýdanynyń Prırechenka, Qojamjar, Mútkenov aýyldarynda apattyq shana ótkelderi, Qashyr aýdanynyń Tereńkól, Beregovoe, Peschanoe, Baıqonys aýyldarynda jaıaý ótpe joldardy anyqtady.
Muzdyń beriktigine jáne onyń qalyńdyǵyna qaramastan, muz ótkelderimen júrgende óte abaı bolǵan jón. Ótkeldiń ústimen júrý barysynda kóliktiń jyldamdyǵy saǵatyna 10 shaqyrymnan aspaýy kerek.
Muz ótkelimen júrgen kezde kóliktiń esikteri ashyq, qaýipsizdik belbeýleri sheshýli bolýy qajet. Kóliktiń jolaýshylary ózendi jaıaý kesip ótedi. Bir mezgilde eki avtokólik qozǵalsa, ótkelge kirgen kezde kórsetilgen araqashyqtyq qatań túrde saqtaý qajet.
