Ertis ózeniniń deńgeıi ShQO basshylyǵy men QR AShM baqylaýynda
QR Úkimetiniń otyrysy kezinde Kárim Másimov ShQO basshylyǵynan Ertiske qatysty jaǵdaı týraly surady.
«Ertis boıynsha aıtsaq, qazir Buqtyrma sý qoımasy arqyly ótkizý táýligine 1,7 myń tekshe metrdi quraıdy, Óskemen arqyly ótkizý jospardaǵydaı, esh másele týyndaǵan joq, bári aýyl sharýashylyǵy mınıstrliginiń komıteti bekitken josparǵa sáıkes», - dedi ShQO ákiminiń birinshi orynbasary Nurymbet Saqtaǵanov.
«Másele baqylaýda. Biz ákimmen sóılestik, Pavlodarǵa qaraı saǵaǵa, Shúlbi GES-ine sý jiberýdi arttyrý máselesi boldy. Biz ony 300 myń tekshe metrge deıin arttyrdyq. Buqtyrma sý qoımasynda 1,9 bolatyn, qazir 1,7 tekshege deıin tómendettik, ıaǵnı sý deńgeıi tómendedi», - dep atap ótti óz kezeginde QR Aýyl sharýashylyǵy mınıstri Asqar Myrzahmetov.