Ertis ózeniniń arnasynan asýyna ne sebep
SEMEI. QazAqparat - Semeıdegi sý tasqynyna baılanysty qala ákiminiń azamattyq qorǵanys, mobıldi daıyndyq jáne tótenshe jaǵdaılar boıynsha kómekshisi Berik Túsipov túsinikteme berdi, dep habarlaıdy QazAqparat.
Ertis ózeniniń tasýyna Shúlbi GES-inde sý qorynyń normadan artyq jınalýy sebep bolǵan. ıAǵnı, sekýndyna jiberilýi tıis 500 tekshe metr sýdyń mólsherin 1800-ge deıin arttyrǵan. Al Shúlbi sý qoımasynyń mamandary jiberiletin sý mólsheriniń normadan artyq ekenin jergilikti atqarýshy organ ókilderine eskertpegen. Saldarynan Ertis ózeni men Semıpalatınka toǵanyndaǵy sý deńgeıi kóterilgen.
«Ertistegi sýdyń deńgeıi 4 metr, 84 sm-di qurap otyr. 4, 50 sm-diń ózi qaýipti norma bolyp esepteledi. Kúnniń kúrt jylynýynyń da áseri bar. Osynyń saldarynan barlyq erigen sý Ertiske jınalǵan. Mundaı jaǵdaıda GES ókilderi sýdy eriksiz bosatýǵa májbúr. Óıtkeni ózderine de qaýip tóndi. Olarda qaýipti deńgeıdiń óz normalary bar. Arnaıy saraptama jasadyq. Bul 40 jylda bolmaǵan qubylys»,-dedi Berik Túsipov.
Qaýip tóngen Túıemoınaq aralynda 134 adam turady. Baspanalardyń sany 32. Sol 134 adamnyń ishinde 103-in evakýatsııalaǵan. Onyń 25-i bala. Qutqarylǵan adamdar qalanyń eki qonaqúıine ornalastyrylyp, úsh rettik tamaqtanýmen qamtamasyz etildi.
Azamattyq qorǵanys pen TJ barlyq qyzmetteri qala ákimi Ermak Sálimovtiń basshylyǵymen qaýip aýmaǵynda jumys isteýde. Aralǵa ınertti materıaldar jetkizilip, qum-topyraq sebý jumystary jalǵasýda. Jumysqa 16 tehnıka men 30-ǵa jýyq adam jumyldyryldy.
Al Ertis ózeninde jarý jumystaryn júrgizýge «Vostokvzryvprom» JShS qyzmetkerleri keldi.
