Ertis ózeninen 12 jastaǵy balanyń denesi tabyldy
ASTANA. QazAqparat - Pavlodar aýdanynyń Novoıamysheva aýylynda Ertis ózeninen 12 jastaǵy ul balanyń denesi tabyldy.
Bul týraly Pavlodar oblystyq TJD memlekettik til jáne aqparat toby málim etti, dep habarlady pavlodarnews.kz .
"Keshe Novoıamysheva aýylyndaǵy Ertis ózeninen 2005 jyly týǵan ul balanyń denesi tabyldy. Belgili bolǵandaı, ol 21shilde kúni ózenniń tyıym salynǵan bóliginde shomylyp, sýǵa batyp ketken. Deneni sýdan alyp shyǵý úshin Jedel qutqarý jasaǵynyń eki qutqarýshysy men bir qaıyq jumyldyryldy", - dedi TJD mamandary.
