Ertis ózenine sýǵa ketken stýdent qyzdyń denesi tórt kúnnen keıin tabyldy
PAVLODAR. QazAqparat – Búgin Ertiste sýǵa ketken 17 jastaǵy kolledj stýdentiniń denesi tabyldy, dep habarlaıdy QazAqparat Pavlodarnews.kz-ke silteme jasap.
«Búgin 112 pýltine qaıyqtaǵy er adamnyń Aqtoǵaı men Tereńkól aýdandarynyń shekarasynda, Shoqpar aýylynan segiz shaqyrym jerde Ertis ózeninde qalqyp júrgen boıjetkenniń denesin kórgeni týraly habar kelip tústi», - dedi oblystyq TJD.
Eske sala keteıik, 17 jastaǵy pedagogıkalyq kolledjdiń stýdenti 22 tamyz kúni sýǵa ketken. Іzdestirý jumysyna qutqarýshylar, polıtsııa men eriktiler jumyldyryldy.
