Ertis ózenindegi sý deńgeıiniń joǵarylaýy pavlodarlyqtar úshin qaýip tóndirmeıdi
PAVLODAR. QazAqparat - Ertis ózenindegi sý deńgeıiniń joǵarylaýy pavlodarlyqtar úshin qaýip tóndirmeıdi. ıAǵnı, Semeıdegi jaǵdaı bizdiń óńirde oryn almaıdy, dep habarlaıdy pavlodarnews.kz.
Bul týraly atalmysh agenttikke bergen suhbatynda oblystyq TJD basshysynyń orynbasary Abaı Temirbaev málim etken. «Qazirgi ýaqytta Semeı qalasynda Ertis ózeniniń deńgeıi birtindep qalpyna kelip jatyr, - dedi Abaı Temirov. - Biz áriptesterimizden kún saıyn aqparat alyp otyramyz. Ertis kún sanap 1-2 santımetrge tómendep keledi. Semeıdegi sýdyń kóterilýiniń eń joǵary kórsetkishi 417 sm-di quraǵan. Eger 450 sm-den assa, qaýiptenýge bolady. Negizi bizdiń oblysta bul qubylys kóbinese kóktemde oryn alady. Al, Shyǵys Qazaqstan jaqta osyndaı jaǵdaı bolyp turady. Bul muzdyń astyndaǵy sýdyń qaıta betine shyǵýyna baılanysty oryn alady. Sondyqtan Pavlodar oblysyn sý basý qaýipi joq».
Aıta ketý kerek, eger de Semeıde Ertis ózeni arnasynan tasyp jatsa, Pavlodar oblysyna deıin sý bir aptanyń ishinde jetedi.
