Ertis ózenindegi muzdy jarý jumystarynan bir adam jaraqattanyp, úıler zaqymdaldy
SEMEI. QazAqparat - Ertis ózenindegi keptelip qalǵan muzdy jarý jumystary kezinde kópqabatty turǵyn úılerge zaqym kelip, bir adam jaraqattandy, dep habarlaıdy QazAqparat.
Búgin Ertis ózeninde muz keptelisterin joıý sharalary júrgizildi. Nátıjesinde ózen mańyna jaqyn ornalasqan Mırnyı kentindegi 4 kópqabatty turǵyn úıge zaqym keldi. Abyroı bolǵanda adam shyǵyny joq. Biraq jaraqat alǵandar bar. Terezeleri synyp, balkondary búlingen turǵyndar shyǵyndy jergilikti bılik tólep bersin dep otyr.
Oqıǵa ornyna jetken qalalyq turǵynúı kommýnaldyq sharýashylyǵy bólimi basshysynyń orynbasary Amanaı Ótelbaev turǵyndardy sabyrǵa shaqyryp, shyǵyndy ótep beretinderin jetkizdi.
«Eger múmkindikterińiz bolsa, ózderińiz jańa tereze ornatyńyzdar. Sodan keıin bizge túbirtekti berseńizder, ketken shyǵyndy qaıtaramyz. Nemese qazir osynda «Tehnologııa Komforta» JShS-niń mamandary keledi. Synǵan tereze men balkondy ólshep alyp ketedi. Birneshe kúnniń ishinde jańa terezemen balkon ornatylady»,-dedi Amantaı Ótelbaev.
Eske salsaq, búgin tańerteńnen beri Ertiste muzdy jarý jumystary júrgizilip jatyr. Muz keptelisiniń saldarynan Ertis ózeni arnasynan shyǵyp, turǵyn úılerge qaýip tóndirýde. Osyǵan baılanysty qurylǵan jedel-shtab músheleri keptelip qalǵan seńdi jasandy jolmen jarý kerektigin sheshken edi.
