Ertis ózeninde tabıǵatty qorǵaý maqsatynda sý jiberý bastaldy
ASTANA. QazAqparat - Pavlodar oblysynda sý tasqynynyń ekinshi kezeńi bastaldy. Endi tabıǵatty qorǵaý maqsatynda Ertistiń joǵarǵy kaskadynan sý jiberý jumystary júrgizilýde.
Pavlodar oblysy TJR TJ aldyn alý bóliminde TJD jedel qyzmeti táýlik boıy rejimde júrgizilip jatqan sý jiberý barysyn baqylaýda. Kestege sáıkes sý qoımasynyń Ertis kaskadynan sý jiberýge daıyndyq 10-13 sáýir aralyǵynda júrgizilip, 18-i bastaldy.
Sý jiberý 7 mamyrda aıaqtalady dep josparlanǵan. Bıyl jalpy sý jiberý kólemi 6,47 tekshe shaqyrym, bul sońǵy jyldarmen salystyrǵanda, eki esege joǵary.
18-26 sáýir aralyǵynda sýdyń kóp bóligi aǵyzylady (sekýndyna 3 500 tekshe metr). Qazirgi ýaqytta kún saıyn sekýndyna 3 500 tekshe metr sý aǵyzylýda.
Qalalar men aýdandardyń tótenshe qyzmetterdiń mamandary Ertis ózeni alqabyna mal jibermeý jaıynda jergilikti turǵyndarǵa túsindirý jumystary júrgizilýde.
Sý deńgeıin baqylaýdy júzege asyrý maqsatynda Ertis ózeninde turaqty monıtorıng júrgizilýde. Onda 5 turaqty gıdrologııalyq post jumys isteýde. Tabıǵatty qorǵaý maqsatynda sý jiberý bastalǵan sátten taǵy 14 ýaqytsha post áreket etýde.
