Ertis ózeninde sý deńgeıi tómendep keledi
SEMEI. QazAqparat - Semeıde Ertis ózenindegi jaǵdaı turaqtalyp keledi. Bul týraly Azamattyq qorǵanys qyzmeti habarlady, dep habarlaıdy QazAqparat.
2 sáýirdegi jaǵdaıǵa sáıkes, Ertistegi sý deńgeıi 241 metr 18 santımetrdi quraıdy. Qazir Ertistegi jáne Shúlbi sý qoımasyndaǵy sý deńgeıine saǵat saıyn monıtorıng júrgizilýde.
«Endi úlken mólsherde sýdy aǵyzý josparlanbaıdy, sondyqtan ázirge alańdaýǵa sebep joq», - dedi qalalyq Azamattyq qorǵanys jedel-shtabynyń aqparattyq qyzmetiniń ókili Meıirjan Amangeldıev.
Qazir qalada Tótenshe jaǵdaılar jáne qalalyq kommýnaldy qyzmetterdiń kómegimen Mırnyı aýdany men Bobrovka kentindegi jeke ýchaskelerde sýdy tartý jumystary jalǵasýda. Tutastaı alǵanda, 100 myń tekshe metrden asa sý sorylǵan eken.
Aıta keteıik, áli 20-ǵa jýyq aýla qyzyl sýdyń astynda qalyp otyr.
Foto: fixcorp.co
